Në datat 06-09 Nëntor 2024 në Tiranë, Abissnet u ftua me krenari nga Ekspo Group për të marrë pjesë në Panairin Ekspo Group 2024 edicioni 30 vjetorit të Tirana International Fair – një nga eventet më të mëdha të vitit, ku profesionistë të shquar dhe ekspertë të teknologjisë dhe jo vetëm prezantuan zhvillimet më të fundit të industrisë.
Kjo ftesë e rëndësishme mes 300 bizneseve të pranishme ishte një vlerësim për rolin tonë si të parët në fushën e telekomunikacionit dhe përkushtimin tonë ndaj cilësisë. Pjesëmarrja në këtë panair na mundësoi jo vetëm të prezantojmë teknologjitë dhe shërbimet tona më të reja, por edhe të ndërtojmë lidhje të reja profesionale, të thellojmë partneritetet ekzistuese dhe të forcojmë marrëdhëniet me komunitetin që kemi ndërtuar ndër vite.

Çfarë prezantuam në Panair?

Gjatë këtij eventi, ekipi i Abissnet ofroi një përvojë të pasur për të gjithë vizitorët duke prezantuar:
Shërbime dhe produkte të reja: Prezantuam paketa të reja të shërbimeve për shtëpitë dhe bizneset, dhe risinë e WiFi 6 i cili perfaqëson një standart të ri të teknologjisë së rrjetit wireless duke ofruar kështu shpejtësi më të lartë, kapacitet më të mirë dhe perfomancë më të qëndrueshme në mjedise me shumë pajisje të lidhura njëkohësisht.
Përmirësimet e eksperiencës digjitale: Demonstruam sesi përmirësimet tona të fundit ndihmojnë klientët të përfitojnë një lidhje më stabile dhe efikase për çdo përdorim, nga argëtimi në shtëpi deri te shërbimet profesionale si dhe patëm rastin të shkembenim ide me profesionistë të ndryshëm të së njëjtës fushë dhe duke analizuar kështu të rejat në fushën e telekomunikacionit.
Bashkëpunime të reja: Diskutuam dhe lidhëm kontakte me kompani të tjera të fushave të ndryshme si ato teknologjike,bankare dhe turisitke.

Pse pjesëmarrja në Ekspo Group është e rëndësishme për Abissnet?

Ekspo Group na dha mundësinë të jemi më afër komunitetit dhe tregut tonë të synuar.
Ne besojmë se suksesi në teknologji vjen nga një bashkëpunim i vazhdueshëm dhe nga dëgjimi i nevojave të përdoruesve tanë. Të gjithë ata që vizituan stendën tonë patën mundësinë të shihnin përkushtimin tonë për cilësi dhe inovacion në çdo detaj. Na gëzoi shumë të ishim aty dhe të ndanim këtë përvojë me klientët tanë.

Abissnet – Duke shtyrë kufijtë për një eksperiencë të re

Në Abissnet, synojmë të sjellim gjithmonë shërbime më të mira dhe të përditësuara. Evente si Ekspo Group na japin platformën për të treguar se jemi gjithmonë një hap përpara për të përmbushur pritshmëritë e klientëve tanë dhe për të kontribuar në zhvillimin e industrisë së Internetit dhe teknologjisë në Shqipëri.